ثمّن كلامـك

[قناص ابراد]

--------------------------------------------------------------------------------

ثمّن كلامـك فاتحـن فمـك .. مسـرور
واحشم مكانك . . منت قاعد بسكـره

ماينجبر كـسرك . . ولـو كنـت مجبـور
كـسر الجبر أهون من اصلاح . . كـسره

وجبر الكـسير احيان . . بيديـن دكتـور
وكـسر الجبير احيان . . باسباب جبره

ياصاحبي والشعر . . جائـز ومحظـور
حتى المجاز احيان . . يجبرك حظـره

ولاجت قصيدتها . . تتالو على الـدور
شخصن يهني . . وشخص بالغ بشكـره

مثل القماش اللي (( تطارحبه )) الثـور
والثور هايج . . وانت ثورن من أسره

بعض البشر . . يرفع مقامه عن البـور
والبعض الآخر . . هو من ايحط قدره

وشخصن يجرك من غلا حرف . . مجرور
وشخصن على الويلات . . يكـسرك جره

وشخصن تعادل غيبته .. حشمة احضور
وشخصن حضوره ماوزن ربع . . ذرّه

أكبر قهر لامن تبسّمت . . مقهـوووور
إكظم قَهَرْك . . وخل ضحكك .. لقهره

واللي يبي الطولات . . لاشـك ماجـور
والا الحقير ادري بنفسه . . اتحقـره

وادري العيون الحور . . تفرق عن العور
مثل الغنـي يومـه يقـارن . . بفقـره

ماقول يا شعري وانـا صـرت مشهـور
هذي الفرايـد جتـك يالشيـخ زفـره

شاورتهـا قالـت : خفايـف ولا اتثـور
وهذي غلاها . . مثـل خيطـن بمكـره

مسرح رجولة شخصـك اليـوم بالـدور
إخراجها فاشل . . وانا ابصم بعشـره

مشكور؟ . . إيوالله .. من قلب مشكور
ماطاح رجالـن مـن العيـن حسـره

والا الخبل . . مايستره لبـس مستـور
الشـق واضـح لـو تغطـى بستـره

والتربيـه ماهـي قلـم خـط واسطـور
واللي ربا باقـذار . . طينتـه قـذره

شخصن توده . . قبل ينطق على الفـور
وشخصن من اول كلمتينن . . اتخسـره

بعض البشر . . قدره كما وزن عصفور
والبعض بحرن والكرم . . مـوج بحـره

يلزم تكون ف بعض الاحيان . . مغـرور
لأن الغرور بحضرة اللآش . . حقـره

ماهمنـي طـرد الغوانـي مـع الحـور
أنا اهتمامي صعب توصـل لحصـره

والا انت ياجاهل . . مسامـح ومعـذور
من كلمتـن والدافـع اشـره .. وأشـره

هذي القوافي جتك ياالشيـخ .. بالـدور
واعرف بداية كل بركـان .. جمـره

صحيح انا مانـي علـى الـرد مجبـور
حبيت اوضح كل شخصن . . وقـدره

[عذب المعـــآني]

رائع ماطرحته لنا ياخووي



دمت بخيـر

:)

[قناص ابراد]

عذب لاهنت على المرور

حضورك يالغالي المميز له طابع خااص

[آبراد]

لاهنت يابوو فارس


بيض الله وجهك


ابدااع

[قناص ابراد]

ابراد لاهنت على المرور

حضورك يالغالي المميز له طابع خااص

[ذيب ابراد]

صح لسااااانك

وتســــــــــــلم يمنــــاك

وتقبل مروري اخوك:ذيـــــــــــب ابـــراد

[خالدقماد]

صح لسااااانك

وتســــــــــــلم يمنــــاك

[قناص ال حتيك]

لا هنت اخي
رائع ماطرحته لنا ياخووي



دمت بخيـر

[الحتيكي]

ياصاحبي والشعر . . جائـز ومحظـور
حتى المجاز احيان . . يجبرك حظـره

صح لسانك يا غالي

تقبل مروري

[دفى القلوب]

بعض البشر . . يرفع مقامه عن البـور
والبعض الآخر . . هو من ايحط قدره


صح لساااااااااااانك

اشكرك يااخوووووووي

[خالدقماد]

لاهنت يابوو فارس


بيض الله وجهك


ابدااع

[ألـكـسَـوٍـوٍـوٍـوٍفـ_ـي]

{تسلم يمناك}

{على الموضووع}

{تحياتي اخووكـ:الكؤؤؤؤؤسوفـ _ـي}